姚嘉妮生「孖B」 老公賣童裝

林祖輝一家四口相處融洽又溫馨，令人羨慕。

林祖輝與姚嘉妮是圈中模範夫妻，嘉嘉更為了一對子女減產，相夫教子，讓祖輝專心搞生意。大約一年前，祖輝與拍檔有感童裝生意大有可為，更看準牛仔褲品牌Levis Kid，決定引進來港，如今開設兩間新店，祖輝更揚言明年希望再開第三間，認真有目標！

仔女當model

榮升老闆娘的嘉嘉坦言視新店為「BB」，她說雖然要忙於照顧子女，未能經常睇舖，但都會默默支持老公。日前她帶同女兒Kyra及兒子Kyros落店為祖輝打氣，一對子女還即場示範童裝，相當可愛。問嘉嘉可會追多個？她說：「嘩！依家真係唔會住，啱啱先開咗間舖，生咗雙胞胎，加埋呢兩個，真係搞唔掂！」身旁的祖輝和應說：「我都唔想再生住，依家真係好忙，日日瞓得幾個鐘，但自從開舖後，反應都幾好，所以無論幾辛苦，都覺得好滿足！」

嘉嘉榮升老闆娘，當日親自為女兒揀選靚衫。	林祖輝與女兒打成一片。	嘉嘉笑言現在多了一對「雙胞胎」好忙，祖輝亦撐她表示不想再生。

祖輝更介紹店中送給客人的熊公仔，原來是無綫高層樂易玲的兒子設計，他說：「呢件事樂小姐都唔知，因為係佢仔仔送畀我哋嘅畫，我哋用咗嚟做公仔。」Kyra對這隻熊公仔愛不釋手，笑言要將很多隻熊仔砌成聖誕樹。

文：專案組