官恩娜遭阿葛嘲豬神

官恩娜與阿葛合作期間邊整蛋糕邊閒聊，相當投契。

黎耀祥與廖碧兒（Bernice）、官恩娜（Ella）與葛民輝、林家棟與河國榮等早前為「眾膳坊食物銀行」，拍攝十周年紀念慈善烹飪畫冊《同饗滋味》，眾人分組入廚，透過圖片與文字，宣揚「珍惜食物，分享幸福」訊息，呼籲社會關注有需要人士三餐不繼的問題，畫冊明天起於尖沙咀某商場優先義賣，元旦日正式推出市場。

官恩娜與葛民輝炮製芝士蛋榚，二人邊整邊閒聊，Ella吹噓自己的「食力」，她說：「只要放得入口嘅嘢我都會食，最鍾意食豬腸粉，有時我覺得自己為食得似隻豬仔！」最愛搞笑的阿葛聞言道：「我相信阿妹你有朝一日會『升呢』，做『豬神』！」Ella又說：「好開心阿葛教咗我『葛氏』打蛋法，合作嘅過程中我發現佢好有手尾，份人好顧家又安分守己。」阿葛即回應：「阿妹你都係全能『煮』婦，我呢，就係安分守己鍾意食滷味囉！」令Ella笑個不停。

黎耀祥與Bernice難得一同下廚。

林家棟與河國榮為慈善出一分力。

廖碧兒睇得又煮得

視帝級的黎耀祥與Bernice雖曾三度合作拍劇，但合作下廚機會少之又少，祥仔坦言：「我同Bernice一組係欣賞佢做人直接，加上我囝囝鍾意同靚女姐姐玩！」被盛讚的Bernice原來睇得又煮得，除與祥仔合力以保鮮袋來醃咖喱魚，更是劏魚能手，她解釋：「我細個喺加拿大住得好近海，爸爸成日釣魚，仲教我喺船上劏魚。」

文：影視組