曾昭怡男友求婚（舌累）飯應

富商曾文豪女兒曾昭怡（Natalie）與男友Justin拍拖六年多，日前Justin於社交網站宣布兩人訂婚的喜訊，獲眾多好友祝賀。昨日Natalie接受電話訪問時，難掩心中喜悅說：「係，男友喺21日向我求婚，整個過程好驚喜，佢叫咗我嘅屋企人同好友嚟見證，仲整咗個Marry Me嘅燈箱。（係咪即時答應？）當然係，佢好有教養，事前仲問咗我屋企人嘅批准。」
看到Marry Me的求婚燈箱，曾昭怡開心得攬住男友。
看到Marry Me的求婚燈箱，曾昭怡開心得攬住男友。

問到男友背景及職業，Natalie為保護男友私隱，不願多談，但問她男友值多少分時？她冧爆說：「100分，佢係一個好好嘅男友，如果唔好我都唔會同佢拍拖，總之女友對男友嘅所有要求，佢全部都做到。」至於何時結婚，Natalie笑言男友幾日前才向她求婚，她現時還未回魂，所以仍未有任何計劃，但打算待農曆新年過後會約雙方家長出來好好傾談。

曾昭怡大讚Justin值100分。
  • 曾昭怡大讚Justin值100分。