莊思敏珠海試砌炒鑊甘
性格男仔頭的模特兒莊思敏前日到珠海練習賽車，目標是在下年參加專業賽事，不過，首次練車已不慎撞欄，幸好有驚無險，但不減她成為娛樂圈女車神的決心。
莊思敏（Jacquelin）向來喜歡開車及速度感的運動，之前曾參加過慈善賽車，並勇奪亞軍，最近她有意參加專業賽車比賽，前日她趁放假首次到珠海練習賽車，問到為何有此想法？Jacquelin解釋：「我向來都鍾意揸車o架啦，之前識咗班玩賽車嘅朋友，其中一個人喺珠海有賽車場，因為香港冇賽車場，依家我一有時間就會上去練車，前日係第一次練習。」
爭取專業賽事
Jacquelin稱目標是2014年可以落場參加專業賽事，不過，前日練車時已發生小碰撞，她說：「我架車撞咗埋欄杆，成架車飛起，不過人就冇事。」問她會否擔心安全問題，她冇有怕地說：「其實賽車好安全o架，因為賽道周圍有防撞欄，車入面有防撞架，唔會有事。」
Jacquelin又說現時首要是練好理想圈速，她已獲賽車師傅贊助她學車，問到師傅是否覺得她有這方面天分？她笑言：「還可以啦，如果揸得唔好就唔會贊助我。我依家只要準備賽車衫、手套、鞋同頭盔就得，但如果真係比賽就要搵贊助商，呢個到時先算。」她又指娛樂圈沒有女藝人參加專業的賽車，她希望成為首位出賽女藝人。
文：名人組