李亞男情侶耳環即買即戴

「藍男」相戀多年，李亞男與王祖藍雖然女高男矮，亦無阻感情發展，一直愛得相當甜蜜，更不時傳出婚訊。前日趁聖誕佳節前夕，李亞男相約圈中好姊妹包括朱璇、趙希洛及胡蓓蔚high tea預早慶祝，食飽飽後李亞男更出動為自己及男友挑選禮物。

左睇右睇半粒鐘

當日下午5時多，李亞男在朱璇陪同下現身中環，兩人步入珠寶店，埋首於飾櫃前揀不停，心大心細的李亞男指着不同款式問朱璇意見，期間更向售貨員取出耳環試戴，然後又左照右照，兩人挑了近半小時，李亞男更即買即戴，開心地步出店舖。

朱璇不時向李亞男畀意見。	難得買到心頭好，李亞男即買即戴，非常心急。	「藍男」感情穩定，女方更幫男友買禮物。（資料圖片）

朱璇聖誕冇着落

及至發現記者，兩人友善地打招呼，問到買下甚麼聖誕禮物？李亞男大方地指着新耳環說：「剛剛穿咗耳窿，呢對耳環咪係禮物囉。」她更甜到漏表示幫祖藍揀埋，一於以情侶耳環迎接新一年，她說：「佢（祖藍）好忙，我幫佢慳時間慳錢。」身邊的朱璇則直言今年聖誕冇着落，全靠有朋友陪，更多謝亞男和祖藍呢一對，坦言早前因胃病入院，全靠他們send相作為鼓勵，而目前已康復。

文、攝：追蹤組