薛凱琪七位數拍封面
薛凱琪（Fiona）昨日到電台宣傳大碟，為紀念入行十年，新碟以十個造型配合十首歌，並從中選出三個作封面，她表示製作龐大：「所有造型都係自己諗，影足3日，用咗七位數字，係我入行以嚟最大規模嘅CD封面。」
她又指明年初會到台灣拍戲，不怕會發生不愉快事件：「入行咁耐都冇見過複雜嘢，灌得我最多酒應該都係Paco（經理人黃柏高），不過襯佢醉咗我會溝茶飲！」她又指自己少應酬：「我好少social，做完嘢就返酒店叫room service。我覺得招呼客人聯絡感情係需要，但嗰啲係經理人做嘅嘢，我嘅職責係唱歌。」