陳山聰賣身無線奸計得逞
復出幕前的陳山聰，工作密密做兼做到無停手，山聰繼早前拍電影外，又承認重返無綫拍攝監製李添勝新劇，將做奸角的他與馬國明有不少對手戲。而山聰更自爆加簽三年合約「賣身」畀無綫，並賣口乖多謝無綫給予機會！
藝人陳山聰日前與女子組合Super Gear成員金子珺為電影《奇緣灰姑娘》拍攝一場調情戲份，劇情講述兩人在餐廳內飲紅酒面貼面，狀甚親暱。當兩人攬得興起時，山聰突然遭人爆樽扑頭，非常入戲的他表現得痛苦，我見猶憐。山聰如此落力，他笑言經常拍攝被打戲份，但比起上次被劉心悠掌摑七巴，已經輕鬆不少。
甘願做男二
此外，早前無綫高層樂易玲透露與山聰加薪兼簽新合約，他自爆與無綫加簽了三年合約，又賣口乖感激無綫給予機會，他說：「其實不嬲同無綫都有約，啱啱同無綫簽咗三年合約。（加人工？）總之係開心價啦，機會緊要啲，多謝無綫畀我返去，再實踐我演戲嘅夢想。」
而山聰表示返回無綫的第一炮，是拍攝監製李添勝新劇，將會與馬國明有不少對手戲：「出年一月尾會拍添哥新劇，依家都慢慢收緊劇本，一路研究緊角色。今次同馬國明合作，我做佢同父異母嘅大佬，大家都係有理想嘅青年，最後我為勢所逼，所以我變咗質。（你係男二喎！）添哥無同我講，但作為一個演員，有機會演出已經好好，戲份多唔多已經唔係重要，好多謝添哥同珍姐（曾勵珍）畀機會我。」
跑步過聖誕
今日是平安夜，山聰坦言要在跑步中度過，因明年二月要參加馬拉松比賽，故要加緊練習。問到他會否向舊愛何超雲送上聖誕祝福，他聞言即笑言：「唔好再問我啦，總之個個朋友我都會send。」
文：專案組