Kelly搶獎緊要過做冬

播了18年的《超級無敵獎門人》前晚冬至團圓夜錄影最後一集，志偉更破天荒三代同堂捧場，前妻王美華、兩個兒子曾國祥、曾國猷及老婆張可蕙、手抱孫兒均成為座上客，雖然志偉親自落場玩，將主持之位交給黎芷珊、崔建邦等人，但他整晚都「職業病」發作，不停發施號令。

死頂辣壽司

已有逾十年沒有亮相《獎門人》的Kelly就擔任王牌嘉賓，被志偉指Keep得好的她笑言已準備好贏取獎金、獎品：「我啲同事為咗聖誕禮物差唔多傾巢而出嚟晒，佢哋已經訂定要邊份禮物，如果我唔贏就冇面目見佢o架喇。（輸咗自掏荷包買畀佢哋？）係呀，贏咗就唔使自己畀啦。」不過她表示最怕食辣辣壽司：「食唔到咁辣呀，真係唔得就搵志偉頂。」談到錄影時間正值冬至團圓夜，未能與老公和一對寶貝仔過冬的她表示：「冇辦法啦，一早應承咗上嚟，聽日食都得。」

Kelly食「辣辣壽司」時狀甚痛苦！

「獎老」曾志偉和金剛等為告別《獎門人》，親身上陣玩遊戲。

湯盈盈呷醋

而湯盈盈雖未能與「獎老」老公錢嘉樂同組，不過嘉樂對她仍照顧有加，二人亦不忘大晒恩愛，盈盈先肉麻叫自己做「八嘉樂」，之後就寧願捱辣辣壽司也要讚老公「好靚仔」，嘉樂就為免要愛妻再食辣壽司，更索性代妻上陣，盈盈笑言：「我之前已經同佢傾過話『你識做啦』。」

盈盈投訴老公玩啜乒乓波時咀其他女仔。	吳家樂（左）和鄧兆尊肉緊攬攬。	曾志偉獲前妻、兒子、新抱及孫兒撐場。

之後她又醋埕上身說：「佢頭先玩啜乒乓波時同個女仔咀到呀，雖然佢話冇掂到，但我見到佢嘴邊有啲lip gloss（唇彩）。（個女仔係邊個？）Toby（梁靖琪），係佢我都放心。（你咀番個男仔補數？）佢唔畀我玩。」

文：影視組