薛凱琪開騷 點視后服侍
薛凱琪（Fiona）入行十年，前晚在會展舉行音樂會，一眾好友齊齊撐場，包括新鮮出爐視后田蕊妮、杜汶澤、鄭融等，曾與Fiona傳過緋聞的方大同、湯駿業、林二汶等全部到場，未有現身的房祖名亦送上花籃。
讚阿澤識揀
唱完幾首歌後，Fiona要捧場的田蕊妮餵她飲水，得逞後她笑言：「嘩視后餵我飲水啊！杜汶澤你真係識揀！」當和嘉賓湯駿業合唱《給十年後的我》時就一度感觸落淚。到唱《男孩像你》時，螢幕顯示出方大同、房祖名、林二汶和湯駿業的相，Fiona說：「所有郁得嘅嘢都會同我傳緋聞，我知大家好關心我感情狀況，我係個好幸運嘅女仔，喺我人生中我有愛過，因為我心裏有過你。」
而完騷訪問時，Fiona表示有邀請祖名，但他身在北京。她在台上自爆曾和男友捲床單扮壽司和在家玩捉迷藏，問到此人是否正是祖名？她故作神秘說：「好似魔術騷咁，表演完唔會講真定假，你哋自己猜測。」她又否認新碟造型抄襲外國歌手Lenka 的MV造型：「個造型係我自己諗，我唔覺得似，人哋點講無所謂，做出嚟我好滿意。」
文：音樂組