余文樂效法劉青雲等做影帝

余文樂與導演郭子健大談新片，他自言與戲中小朋友身世相似。

余文樂日前與導演郭子健獲邀到東網《娛樂onShow》接受訪問，宣傳新片《救火英雄》，已率先睇試片的主持人俞詠文（Angela）大讚樂仔好演技，有望做影帝。不過樂仔卻自言不心急，除了避免別人認為自己不值獎項外，更自爆希望成為第二位劉青雲：「有一次我去睇金像獎，嗰年係劉青雲拎最佳男主角，當頒獎嘉賓宣布嗰一刻，全場人企起身，報以一個好開心、歡喜、引以為榮嘅感覺，當時我諗：『你哋搞咩嘢？佢咪拎過好多次囉！咁歡喜做咩？』但原來佢係第一次拎，其實佢嘅地位一早去到好高，只係差一個獎項，我覺得如果好似佢咁就好。」

余文樂指希望可做第二個劉青雲，演技獲得肯定。

余文樂與郭子健接受Angela訪問，三人大談樂仔的親情戲。

少與爸媽相處

此外，二人與主持人俞詠文（Angela）大談樂仔湊小朋友的戲份，樂仔認為戲中小朋友似足他，更表示：「細個好似戲入面個小朋友咁，好少同父母相處，後期先一齊住，都係阿姨湊大我，所以對爸爸感覺好模糊，大家都有少少隔膜，嗰陣自己唔係好聽話，成日駁嘴駁舌，長大後先愈來愈重親情。」

文：專案組