Kendy爆情史 造人應節

聖誕節將至，組合Robynn & Kendy同樂壇新人AGA今年雖然無仔陪，但勝在有樂迷共度佳節，免卻在家「望牆」做宅女，回首過往的聖誕，AGA指最難忘在澳洲度過熱辣辣聖誕：「成班人戴住聖誕帽倒數，一踏入正日就即刻跳落河玩水，同一般寒冷聖誕好唔同。」

話口未完，Roybnn即追問做過空姐的AGA有無同過「Sam哥」過節？豈料AGA卻大呻：「其實冇大家諗得咁好o架，我仲試過有年喺南京一支公行街。」雖然AGA「落閘」不肯自爆情史，但Kendy卻大方分享曾與男友「造人」應節：「英國讀書時，喺男友屋企嘅後花園砌雪人，都好溫馨o架！」

Eason向來大膽嘗試，於香港樂壇地位舉足輕重。

三女大談情史，傾得手舞足蹈。

力撐樂壇未死

提到香港樂壇不時遭受狠批，作為新一輩的接棒者，Roybnn就力撐話：「可能大家受韓國同美國歌主導，但其實香港仲有好多好歌，只係冇人留意，我好欣賞Dear Jane嘅歌，好有共鳴。」AGA又補充話：「其實每當Eason（陳奕迅）要收歌嘅時候，都會有好多人寫Demo畀佢，因為大家都知佢乜都肯試，大家都想為樂壇出力，所以唔可以抹殺台前幕後嘅努力！」

談及2013年過渡2014年有「一生一世」之意，Robynn & Kendy除希望捉緊彼此的友誼直到永遠，亦希望能與音樂「過人世」：「嚟緊會幫陳慧嫻姐姐錄音，希望佢呢世都鍾意。」

場地：海港城

Robynn & Kendy　

髮型：Eagco@Queen's Private I

化妝：Sam Cheng　

服裝：MS. Clothing

AGA　

髮型：hei@Xenter

文：安震東　

攝：劉智源