文凱玲專吼嫩男 夏尉喻旅行獵仔

曾參選港姐的文凱玲（Connie）及「寸嘴Barbie」夏尉喻今年人氣急升，有份主演的電影《喜愛夜蒲3》即將上映，兩人要配合連串宣傳及返內地登台，未必有時間慶祝聖誕，兩位好姊妹遂相約上郵輪率先歎美食預祝佳節。

單身的Connie自認黑仔，往往於生日及聖誕前夕分手收場，希望今年趕得切找個男友過甜蜜聖誕，問到擇偶條件？她表示喜歡細心及溫柔男：「若果佢會留意到我需要啲咩，有時間陪我，就會覺得好窩心，唔需要送咩貴重嘢。」提到過去多個男友也比她年幼，Connie笑說：「可能佢哋肯花時間喺我身上，而且後生仔身體好啲，皮膚又好啲，摸落去滑溜溜！」

文凱玲（左）與夏尉喻同樣希望趕得切找個男友過甜蜜聖誕。	文凱玲與夏尉喻上郵輪率先歎美食預祝佳節。	文凱玲喜歡嫩男細心溫柔。

德國堆雪人歎美酒

Barbie笑言打算報旅行團物色猛男，希望有艷遇發生，問到心目中的浪漫聖誕？鬼主意多多的她原來要求並不高：「喺屋企睇電視、睇月光已經好夠，佢肯喺呢個普天同慶嘅節日只係陪我，已經好sweet。（擇偶條件？）同我一樣咁可愛，唔係講外形，係性格，最緊要誠實。」提到最難忘的聖誕，Connie表示曾與一班好友到德國旅行，在雪地上玩堆雪人歎美酒，Barbie則表示愛跟好友開P，笑言有她在場必定有趣事發生。

夏尉喻髮型：Nathan＠Hair corner

場地：麗星郵輪　

化妝：Heidi-lee makeup

文凱玲髮型：Tin＠Hair corner

文：立影

攝：林楠