陳豪讚囝囝chok得cute

陳豪、吳雨霏與一班model登上金莎號電車。

陳豪昨日擔任「金莎聖誕號電車」啟動禮的主禮嘉賓，是繼太太陳茵媺去年出席金莎巧克力七彩金莎聖誕樹後，昨日就由他接力以六倍酬勞接替太太賺奶粉錢！豪媽昨日也有撐場為兒子拍照，被記者發現要求拍照時，低調的豪媽卻顯得怕醜。事後陳豪笑說：「唔好搞佢啦，佢不嬲低調，佢返嚟幫手湊B，依家兩家人都喺度，食飯好熱鬧。」他表示BB（圓圖）很好：「好健康。（改中文名未？）仲研究緊，會根據性格改。（BB性格係點？）好可愛，好handsome，有少少chok，同佢影相，梗係chok樣，好cute！個個爭住錫。（夜晚會唔會扭計飲奶？）實有，係辛苦o架，但我好享受箇中樂趣。」他表示做了爸爸後，凡事都會站在父母立場看，多了份憂心，經常掛念BB。

讚東網夠快好嘢！

此外，提到剛過去的無綫台慶頒獎禮賽果，他說：「幾驚喜，算係大家都有獎，幾公平。（話張智霖失獎失風度？）佢有獎，應該開心。美中不足係佢冇做埋訪問，少少遺憾。」提到有傳鍾嘉欣因曾推劇，故今年得不到視后？他就大讚嘉欣努力，但有時得獎都要講運氣，也不覺得TVB獨裁：「以前親生仔女得獎，依家唔係，更加公平。」此外，陳豪在活動完結前見到東網已上載了他的即時新聞，他即大讚東網夠快：「嘩！咁快嘅！好嘢呀你！好嘢！」更風趣笑說：「你快我咪睇囉！你慢我咪唔睇囉！OK！」

吳雨霏好開心見到陳豪，並羨慕他已為人父。

費列羅亞洲有限公司總經理Mr. Peter Poon（左）及市場推廣總監Mr. Spencer Lee（右），與陳豪、吳雨霏主持電車啟動禮。

同場的吳雨霏表示今年聖誕節會跟家人度過，雖然沒有男朋友，但不會特別感觸。混血索模Jocelyn則獲老公Anthony與老爺奶奶到場支持，她透露今天會一家人到泰國旅行兩星期。此外，同場的模特兒陳瑞瑩則凍到凸點，Alice B.除外套拍照時，亦凍到大叫，鼻頭還生了粒大暗瘡。

文：名人組