林海峰「做善事」博行運
林海峰（Jan）首為賽馬會元旦日舉行的「好運1月1賽馬日」設計「3OMETHING LUCKY」紀念品，昨與「好運之星」洪永城及糖妹出席記招，阿Jan自爆中學時已給馬會做「善事」。希望今次合作為他下月紅館騷帶來好運。
阿Jan特別為2014年元旦的賽馬日設計一系列紀念品，昨日記者會上，請來冠軍練馬師葉楚航及兩名騎師梁家俊和鄭雨滇來行Catwalk。阿Jan笑言中學時給馬會做「善事」後，今次是正式和馬會合作。以往馬會所贈送給入場馬迷的紀念品都大受歡迎，希望今次都能為馬迷打開幸運之門，亦為自己即將紅館開騷帶來好運。問到是否很少入場賭馬？阿Jan稱：「做娛樂圈都係偏門行業，嚟緊我喺紅館都賭咗8場。（場場爆滿已經贏硬？）唔係啲飛賣晒就開心，都要講口碑嘅。」
洪永城黃翠如再合作
而昨日在記者會上，糖妹為洪永城戴眼罩時，洪永城專登不彎身來遷就，欲整蠱對方，相當搞笑。早前洪永城和黃翠如在無綫頒獎禮接獎時，洪永城阻止翠如講致謝詞，他昨日主動解畫說：「當時時間緊迫，佢又講得慢，我咪用手（月爭）推佢，話等我嚟講囉！（事後被翠如fans投訴？）係呀，我要同啲fans講番，我好多謝翠如，佢係我最好拍檔。」他又透過明年2月將與翠如到南美洲及歐洲拍特輯，因明年正是世界盃，除拍攝當地人物故事，還拍攝有關足球的內容。
文：音樂組