古仔畀面謝票 拉隊「滾」
古天樂前晚獻出第一次出席謝票活動，之後與二百位台前幕後工作人員去打邊爐慶祝，今次由老闆林小明請客，古仔謝票時坦言不想只係吃飯咁簡單，還開到口叫老闆請去旅行，為大眾謀福利。
古天樂（古仔）、張家輝、劉青雲主演的電影《掃毒》票房相當理想，電影上映未夠十天，票房直逼一千八百萬元，而現時於香港的票房超過二千三百萬，內地票房亦衝破二億，台前幕後都相當開心，而演員張家輝、古天樂及導演陳木勝等先後已出席謝票活動，古仔更是獻出他的「第一次」，畀面出席他於香港的首個謝票活動，場面墟冚。
幫口叫請去旅行
古仔事後表示畀面謝票，皆因此片票房太理想，期間更公然叫老闆不要只請食飯，要請大夥兒去旅行，有咁遠去咁遠，不過旅行未有得去前，劇組台前幕後的一班演員已急不及待相約食飯慶祝，前晚完成兩場謝票後，古仔與導演陳木勝前後腳到達尖沙嘴金馬倫道的一間火鍋店，原來老闆林小明包了二樓全層，慰勞大家，現場相當熱鬧，共有二百多位工作人員出席，食得盡興。
最先到場的古仔，與一班劇組人員敍舊，之後導演陳木勝到場時笑言今次不是他請客，是老闆請客，更指不知有甚麼人到場，而其他兩位主角張家輝、劉青雲未有現身，之後戲中演員盧惠光、盧海鵬等都相繼到場。
文：影視組