讚霆鋒筍盤連詩雅唔敢嗒
謝霆鋒昨午在《救》片首映前到中環出席she.com主辨的《she critiques美容大賞2013》，同場有連詩雅（Shiga）、陳嘉桓（Rose）等女星。霆鋒被安排與眾女同坐，合照時眾女星更蜂擁而上，非常搞笑！
Shiga難得性感，穿上低胸連身裙力谷兩吋事業線，她笑言臨近聖誕想着靚啲，希望爭取現場美容品牌的青睞。她期望明年能遠離是非：「之前成班女仔食飯，（報道）講到我好dry。（事實呢？）都係！聖誕要獨自過，想2014多啲桃花。（啱啱坐隔籬嘅霆鋒呢？）佢係城中筍盤，唔敢諗！」大露24吋小蠻腰的Rose自爆再度發育：「feel到小腿長咗，着褲吊腳，擔心做嘢搵唔到拍檔！」