四太唔想超欣早拍拖

被賭王何鴻燊稱讚「靚到不得了」的四太梁安琪女兒何超欣，前晚與母親一同出席澳博舉辦的慈善拍賣晚宴，長得亭亭玉立的超欣，被母親開口指不要太早拍拖。四太表示行善助人是承傳何鴻燊博士回饋社會的精神。她指超欣剛落機便趕過來：「佢知道有呢個活動，同我講話辛苦啲都要嚟一嚟！（佢年年都會嚟？）如果時間啱佢就會嚟，佢依家返嚟放聖誕假，一陣間佢會試吓競投。（幫爹哋投？）試吓。（超欣拍拖未？）人總會長大，但未夠時間，佢咁細個要讀書先。（唔捨得佢咁快大？）對我嚟講就想佢快啲大，學業有成，早啲出社會打滾，學多啲嘢，攞多啲人生經驗，貢獻社會，學習回饋社會。」