鄭俊弘處男唱主題曲
藝人黃翠如、鄭俊弘（Fred ）及田蕊妮（阿田）等昨日宣傳新劇《舌劍上的公堂》，翠如ＢＢ被問到連續三套劇都獲監製李艷芳起用，似已成對方的愛將？她感激的說：「我愛佢（李艷芳）就真！好感激佢畀多咗感情線我拍。（個角色又蠢又大食，似足你？）其他人話好似，但我唔認同o架！」同樣角逐「飛躍進步女藝員」的岑麗香及朱晨麗均看好她奪獎，翠如反而希望岑麗香奪獎，自爆全無信心得獎，連戰衣都未準備。
至於被半百女粉絲歡迎的Fred將為新劇主題曲處男下海：「咁耐以嚟第一次唱，係我嘅處男作！」在新劇中飾演hea爆小捕快的他，揚言現實中絕對唔hea，勤力又好學。而阿田因忙於準備新碟沒有時間為台慶頒獎禮而緊張，她笑言自己早已成為老公杜汶澤的視后：「我反而會性感亮相新ＭＶ，唱碟封套仲會由阿澤親自操刀。」
