馬國明呼籲女士追求
無綫小生馬國明近年備受力捧，在多部劇集都擔任男主角，但相比早已進軍內地市場、同期的吳卓羲、林峯、黃宗澤等，馬明的發展就似乎較慢，但他坦言不心急：「始終大家嘅路唔同，好難比較。娛樂圈係長途賽，你唔會知個運幾時嚟，所以好難計，只可以睇韌力夠唔夠。」
明顯馬明韌力十足，現深得觀眾歡心，演技、人品、形象都備受讚賞，但他就非常謙虛：「電視機入屋，容易畀觀眾受落」他續說：「唔覺自己謙，可能唔係一出嚟就受力捧，捱過會知得來不易，得到就識得珍惜！」
自陳豪結婚後，馬明成為無綫頭號筍盤，但他直言無女埋身，更稱自己dry了兩年，公開呼籲女士們主動追自己：「我比較被動，有興趣嘅唔該主動少少！」明年就40歲一支花的馬明更表示不排除閃婚：「我信緣分，遇到好啱嘅，可能唔夠半年就結都唔定。」港女們，上呀！