狄易達蔚雨芯 吸金至上
臨近聖誕佳節，狄易達和蔚雨芯高呼寧願犧牲拍拖，也要密密接騷吸金。
狄易達、蔚雨芯與一眾年輕人無異，非常貪玩，但到了聖誕佳節，兩人異口同聲表示工作大過天！正值事業搏殺期的蔚雨芯說：「入咗行年年聖誕都要做嘢，今年忙多咗喺電影方面，不過咁仲好啦，聖誕高酬勞啲搵得多啲！」達仔更是忙到無覺好瞓：「我12月差唔多兩日先瞓一次，依家又拍劇又拍節目，又多跳舞show。其實我每年聖誕願望都係想節日做騷，我個人好實際，搵多啲錢就最好，加上自己有間學校要養！」
與女觀眾一見鍾情
由達仔一手建立的舞蹈學校更會衝出香港：「嚟緊班dancer會去湛江、珠海、澳門做騷，開心o架。」 他自爆曾經在聖誕節展開一段姻緣：「嗰年我中三，平安夜喺廣東道做草蜢dancer，我諗係緣分嚟嘅，個女仔係觀眾，散場走嗰時又畀我撞番個女仔，跟住就一路行一路傾，咁就識咗喇！雖然依家分開咗，不過我哋仲有聯絡。」蔚雨芯對這段一見鍾情的姻緣大表羨慕，未試過在聖誕節識到男仔的她說：「等佢介紹畀我識啦！不過趁後生做吓嘢先，仲有好多時間，第日先算。」
文：音樂組