樂基兒劃界 冇賀黎明牛一
樂基兒（Gaile）穿上火紅色Tube Dress出席活動，適逢前日是其前夫黎明生日，有備而來的Gaile坦言很久沒與對方聯絡，原因大家都各有自己生活，並劃清界線說：「冇必要同冇需要聯絡。」
樂基兒（Gaile）、Rosemary、郭秀雲及邢嘉倩等，昨日出席法國甜品店開張，久未露面的Gaile春風滿面受訪，她透露前晚返港，今日（星期五）將飛回美國，由於前日是黎明生日，身為前妻的她問到有否傳短訊給對方？Gaile先以「唔講喇」避談，接住自爆已與黎明沒有聯絡，她說：「好耐冇聯絡，大家各自有自己嘅生活，冇必要同埋冇需要聯絡。」
對於早前被《好報》拍得與老外男友Cuz來港，Gaile冧笑說：「私人嘢唔答。（感情好好？）唔答，大家鍾意點講就點講，做嘢唔想撈埋私人嘢講。」問到現時生活是否很開心？Gaile說：「簡單。」有傳她有意再婚，Gaile否認說：「冇諗過結婚，唔係驚，我都結過婚。（想做媽咪？）Ready唔代表做到。」
Rosemary推job
同場的Rosemary則透露自己雖然是法國人，但不太懂整甜品，問到聖誕如何度過？Rosemary說：「會同媽咪、男朋友過。」隨即自爆推了很多工作，她說：「真係想好好咁放個假。」
採訪：音樂組