田蕊妮夾埋嘉欣頒獎禮扮鬼臉

藝人陳展鵬、田蕊妮等前晚出席劇集《巨輪》慶功宴，視后大熱田蕊妮預言將與另一熱門鍾嘉欣在頒獎禮上玩「突破」：「我同嘉欣夾咗今年無論我同佢定邊個攞獎都好，我哋都唔拍手、唔笑，轉玩做鬼臉，搞吓新意思！」
陳展鵬（右）大爆陳茵媺佗Ｂ期間曾飲涼茶。
陳展鵬（右）大爆陳茵媺佗Ｂ期間曾飲涼茶。

而曾與陳茵媺（Aimee）合作拍攝《單戀雙城》的展鵬則大爆對方拍《單》時已懷孕：「不過連佢都唔知自己有BB，當時佢拍得好辛苦，外景又要曬住，佢唔舒服，我哋仲畀啲涼茶同藥佢食，好彩依家冇事咋。」問到何時輪到他公布喜訊，他笑說：「我十劃都未有一撇，成日都傳我同唔同人嘅緋聞，都唔知邊個係。（你公開正印咪得！）我未有，講緣分啦。」

前晚劇集《巨輪》大搞慶功宴，一眾演員high爆。
  • 前晚劇集《巨輪》大搞慶功宴，一眾演員high爆。