今年角逐無綫台慶頒獎禮「最佳男配角」及「飛躍進步男藝員」的陳智燊（Jason），獲贊助商贊助價值約五位數的戰衣出席頒獎禮，日前他到中環試衫，他說會揀冷門的綠色衫盼突圍而出，並會出動私伙名錶配襯。
Jason對「飛躍」獎最有信心：「男配馬國明有份提名，我諗我冇機會，會寄望飛躍。」問Jason有否拉票？他才如夢初醒謂：「要搵黎耀祥同田蕊妮投我票，仲要搵埋茶水間姐姐幫手。」Jason則睇好祥仔及阿田封視帝視后。