任達華捱傷肺入院吊命
任達華日前到英國出席電影節時不慎患上嚴重流感，之後趕返北京拍戲，結果病上加病，除一度要吊鹽水，他前日返港到醫院求診，發現患肺炎兼肺積水，需入院治理；華哥太太琦琦更自爆老公「自我隔離」以免傳染給她和寶貝女！
任達華工作經常排得密密麻麻，日前他游走英國、北京工作，先出席倫敦國際華語電影節，再趕返北京為電影《3D冰封俠》續集開工，由於在英國因不敵寒冷天氣而患上重感冒，結果趕返北京後病情加劇，一度發冷需要貼18個暖包「護身」，收工後更需助手攙扶。由於不想影響劇組，華哥大前日開工前到醫院吊鹽水，之後即繼續開工！
醫生勒令停工休息
前日華哥終完工返港，到醫院求診後才知「大件事」！華哥表示：「我喺英國嗰陣後頸、腰同PatPat嘅肌肉梗晒，醫生話係種好特別嘅流感，啲菌之後入咗肺，所以有輕微肺炎同肺積水，要我即刻入院！」華哥出名捱得，住院僅一日，昨日便出院繼續開工，為英皇電影《救火英雄》作後期工作。樣子仍帶點憔悴的他，一工作便精神奕奕，相當專業！問他為何不休息多數天？華哥說：「覺得自己嘅身體都頂得住，唔想打亂晒大家嘅工作計劃，所以繼續開工。」
琦琦昨受訪時稱老公多年未試過嚴重到要「自我隔離」：「佢應該係去英國嗰程機受感染，我同佢喺英國會合，都被傳染而又屙又嘔，之後我哋各自離開就冇再見，佢話唔好見住，怕傳染畀我同個女！」
文：影視組