經常四圍飛出席活動搵銀的巴西超模Gisele Bundchen，身為一子一女母親的她，就算工作繁忙亦不忘湊B，前日她於Instagram上載邊裝身邊餵人奶的照片，證明女強人都可以兼顧家庭。
前日Gisele飛往巴西準備出席牙膏品牌活動，事前她於Instagram上載照片，相中的她身穿浴袍內裏真空，由三位造型師、髮型師及修甲師為她Set頭、化妝及修甲，她就把握時間為剛滿1歲大的囡囡Vivien餵人奶，Gisele留言稱：「坐完13個鐘頭飛機，只係瞓咗3個鐘，冇咗呢隊美容兵團會點呢？」證明其行程趕急。
其實Gisele一向都着重家庭，就算工作再忙都盡量把握時間湊仔，加上她主張餵人奶，年前曾發表「立法餵人奶」論而飽受抨擊，後來於個人網誌留言解釋以平息風波，她現在仍堅持身體力行，證明餵人奶是「天職」。
此外，Gisele為自家內衣品牌「Gisele Bundchen Intimates」拍攝的最新宣傳照前日曝光，親身示範多款性感內衣，盡顯Fit爆身材。
文：外娛組