裕美詐嬌啜爆老公

榮升林太的裕美大讚東網夠快，令朋友們都可即時分享到他倆的喜悅。

問到一對新人為何在重要時刻便裝現身，裕美說：「因為15號先係擺酒Big day，我哋諗住註冊咗先搞大，想分開兩日搞。」談到會否請圈內朋友？她說：「到時會有一圍基督歌手朋友，會請鍾舒漫、張致恒佢哋，麥貝夷會做姊妹。」她又指有向前經理人公司老闆陳百祥發喜帖，但對方當日要看跑馬和「左麟右李」演唱會故未能出席。問到Jason有甚麼「愛的宣言」對裕美講，他即怕醜地說：「愛你一世囉，都係嗰啲啦。」在旁的裕美即撒嬌謂：「好hea呀你！」註冊完成後，兩人戴上婚戒受訪，升呢做「美」人妻的裕美坦言心情緊張：「好似好短時間榮升姓林，唔識講，依然好緊張，（簽名嗰陣有冇喊？）冇呀，我諗到Big day先會喊。」

• 裕美昨日與圈外男友拉埋天窗。

大讚東網消息快

另外，裕美得知「東網」已即時將註冊的甜蜜情況上載，大呼驚喜，並說：「真係好快，點解可以咁快？同埋啲相真係影得好靚，可以畀冇來嘅朋友睇到我註冊情況。」她又指自己有下載東網，更會推介朋友下載。

文：音樂組