林嘉欣未遇啱劇本湊住女先
女星林嘉欣自五月誕下細女Sofie後，昨日首度出席公開活動，雖然尚未完全修身，但精神飽滿。久未露面的她，笑言工作為她帶來新鮮感，問到會否復出拍電影？她表示：「接戲真係好睇劇本，要個劇本吸引到可以剖割陪囡囡嘅時間。（有冇人畀劇本你睇？）有，但暫時未有心儀嘅。」
問到大女Kayla有否呷妹妹醋？嘉欣笑言為免此事發生，她預先與Kayla閱讀關於姊妹的書籍，讓她知道自己快當姐姐。另外，而自己於抱細女前，必定會先問准Kayla同意，讓她覺得自己的地位並無動搖。問到細女Sofie像她還是像爸爸？她笑言：「似我多啲，所以幾好。大女似爸爸，專心讀書。」