城城覓真愛望天打卦
郭富城（城城）昨現身上海出席聖誕亮燈活動，對於2013年即將過去，城城坦言過去一年因工作關係未能經常陪伴家人而感到遺憾，今年回復單身的他，深信上天自有安排，感情雖落空，但滿腹卻是工作大計，心願要一圓導演夢。
城城昨出席上海ifc商場「耀目閃爍歐陸城堡，啟航聖誕童話之旅」，擔任聖誕亮燈儀式嘉賓，吸引大批粉絲圍觀。回顧即將過去的2013年，城城坦言過得十分充實：「不過因工作關係唔可以常常陪伴家人，覺得有啲遺憾，生活難免有得有失，但相信未來嘅日子將會更好。而出年除咗做演唱會、拍電影外，希望一嘗導演滋味，現在已和編劇細度劇本，希望明年中完成完整劇本。」對於早前跟前女友名模熊黛林同場出席蔡加讚的婚禮，他說：「已是舊事，感情會隨緣，唔心急，上天自有安排，唔強求，相信真愛在明天。」
商場今年聖誕主題打造成一個充滿童話色彩的胡桃夾子聖誕王國，原來城城是胡桃夾子的粉絲，故一口答應出席，新鴻基地產租務總經理馮秀炎即場送上胡桃夾子聖誕版給城城，祝他如夾子上的紅衣一樣大紅大紫。
急不及待試新車
另外，愛車如命的城城，成為Audi最新開篷超跑的新車主，前日他出席假奧迪香港金鐘陳列室舉行座駕遞交儀式，新車只限量333輛，港澳只得兩輛，城城笑言已急不及待試車，期待將賽道上的速度感延續到街道上。文：名人組