吳浩康出煮意冧掂未來外母
鍾舒漫和吳浩康的戀情公開後，備受外界的祝福，兩人昨日就拍拖出席活動，Sherman大爆帶Deep回家「見家長」，並由Deep親自下廚煮晚餐給伯母，認真甜蜜。
歌手鍾舒漫（Sherman）自早前公開和同門的吳浩康（Deep）擦出愛火後，昨日兩人首度同場，連同洪杰齊齊到九龍灣，出席娛樂公司成立儀式擔任嘉賓。兩人到場後亦大方應記者要求合照，並一同接受訪問，臉上全程掛着幸福甜笑，心情大靚的Sherman被問到心情好是否因公開戀情後感輕鬆所致？她則解釋因昨日為鍾媽媽正日生日，更早在日前已送了手提電話給媽媽作禮物。
問到男友Deep可會一同替伯母食飯慶祝？她說：「唔會啦，佢（Deep）一陣都有嘢做。」但就透露前陣子Deep已跟伯母食過飯，而且更由Deep親自下廚，問到伯母對他的廚藝有何評語？Sherman笑說：「媽咪想我開心，好唔好食都讚o架啦。」
緊張首次見家長
在旁的Deep則坦言首次跟女友家長晚膳感緊張，他說：「雖然見過伯母好幾次，但一齊食飯係拍拖後第一次，所以都幾緊張，淨係諗煮咩都諗咗好耐。」對於前緋聞男友張致恒被指帶女到酒吧，故意向Sherman示威，對此她說：「佢咁多朋友，唔係男就女o架啦，亦都唔覺得佢酸溜溜。」
張致恆否認示威
張致恒（Steven）前晚出席電影《當C遇上G7》慈善放映，問到被《好報》拍得帶新歡向Sherman示威？他沒好氣地說：「我同咩人出街都話示威，大家鍾意點寫就點寫，同朋友出街啫，都開心有女仔肯同我出去食飯、唔怕畀人影。問與吳浩康見面會否尷尬？他說：「唔會，我哋同一個salon，噚（前）日先打招呼，整緊頭唔通出去吹水咩！」
文：音樂組