李鍾碩露肉嫌悶冧女啃鳳爪

韓劇人氣男星李鍾碩早前來港期間接受本報訪問,在新片《速水花美男》中有不少露肉戲的他,被問到會否挑戰更大膽的裸露戲份時,他反而怕觀眾嫌自己冇睇頭,又說透過拍此片首次接觸到鳳爪。

韓劇《聽見你的聲音》人氣男星李鍾碩,在主演韓片《速水花美男》中,夥拍徐仁國與少女時代成員Yuri上演為夢想而奮鬥的故事。飾演韓國游泳代表選手的他,少不免要半裸演出,他受訪時被問到會否挑戰更大膽的裸露戲份,雖冇正面回應,但反而是怕未能滿足觀眾:「今次拍攝過程,我唔會覺得好怕醜、有負擔,我怕半裸場面觀眾會嫌唔夠睇頭,不過我自己覺得OK嘅。」

他謂《速》片是一部運動電影,難免未必所有戲份皆由他親身上陣,論最辛苦的一場戲,他表示在尾段與徐仁國對戰的戲份,花了不少心機及消耗極大體力拍攝,幸好事後有專人為他按摩。談到若電影大賣會對香港觀眾許下甚麼承諾,他謂會帶同其他演員來港,跟觀眾見面。

暫無意當歌手

李鍾碩在戲中對情傾的Yuri不顧儀態食鳳爪表現抗拒,若現實中的女友同樣鍾情鳳爪,他又會如何是好?他說:「我拍呢部戲之前完全冇食過鳳爪,如未來女友堅持,雖然有啲辛苦,我都會同佢一齊食。」如此為另一半着想的他,表示日後結交到另一半,亦會像好友金宇彬般公開戀情。

今年他影視成績突出,但暫無意踩過界做歌手,他說:「暫時都想集中演戲方面,我希望做位好演員,況且歌喉麻麻,再努力都未必有咩成績,倒不如專心做戲。」

文:外娛組