Alice B.與前男友同居
混血索模Alice B.昨日身穿低胸衫出席apm《Santa Bear潮流聖誕城》粒粒巨星花生雕塑展，她表示之前因壓力大而休息了很長時間：「感情路上遇到挫折，停晒modeling工作，依家已經重拾信心，繼續工作。」提到患病的媽媽，她坦言：「一日差過一日，但佢係我動力，我知道對住媽咪笑，佢就會開心。」問聖誕節是否她重生之日？她說：「都唔係呀，前男友仲同我一齊住，佢屋企有啲問題，所以搬嚟我度住，懷念過去好日子，好過成日嘈交。（復合？）唔知，講唔埋。」
而同場的趙梓淇（阿Yu）就透露老公周永恆將開設音樂公司：「有女新人，仲會有modeling工作。（你係老闆娘？）我隸屬於我老公！我唔會干涉公司，我個世界係屬於我嘅家庭。」她自言生完第二胎後減少了工作，如今決定復出，稍後會跟一眾模特兒拍攝慈善月曆。