王馨平擔心老公貪靚出軌

王馨平昨日亦有現身四洲集團的新聞發布會，她透露近日醉心於做高溫瑜伽，加上減少吃甜品，現已回復讀大學時的身形，她更自爆：「婚後試過31腰，依家28腰。」問到老公會否怕有人追她？她笑言：「佢唔使擔心，我好忠心，反而我會擔心啲，佢依家好注意形象，仲貪靚過我。不過我老公應該唔會（出軌），佢好純品。」另外，戴凱欣則透露平安夜將與家人一同慶祝，但聖誕正日卻未有約會。