學友有幸合唱 祖兒終身受用

廿年前曾與紅線女在舞台上合作的張學友，對女姐突然病逝大表驚訝，學友昨日接受本報電話訪問，坦言昨晨送女返學，才從新聞報道得知女姐逝世消息，他說：「我聽到都擘大口，冇諗過，雖然佢年紀唔細，但佢一直幾健康，希望佢唔係好痛咁走。」學友盛讚女姐一生對粵劇貢獻良多，令人敬佩。

精靈唔似88歲

跟女姐的合作讓學友記憶猶新，當年兩人為電台一個粵劇匯演合唱《搜書院》，女姐親自教他做手，女姐可有讚他唱粵曲有天份？學友笑說：「梗係話有o架。」學友看過很多女姐演出的粵語長片，女姐來港不時都會約見面，他說：「我從來都唔覺得佢八十八歲，因為佢好精靈，因為佢把聲好大，仲好唱得，我印象中嘅佢好開朗、活潑、好好人。」

祖兒的粵劇做手有板有眼，全靠紅線女指點。	張學友曾與女姐合唱《搜書院》，令他獲益良多。	忙於開騷的阿倫，得悉女姐逝世大表惋惜。

容祖兒早在02年接拍電影《魂魄唔齊》時，曾專程到廣州拜會偶像女姐，希望女姐傳授粵曲技巧，祖兒說：「女姐為人好nice，教我嘅技巧好簡單，但終身受用，佢嘅離開好可惜，佢係粵劇界嘅翹楚，舉手投足令人難忘，但相信女姐嘅精神、作品一直會流傳下去，係我哋後輩嘅學習對象。」祖兒又在微博上留言祝女姐「願您能安息」。

基仔同場獲獎

譚詠麟也感慨的說：「女姐係粵劇界國寶級嘅前輩，貢獻非常大。」上月中跟女姐曾一齊出席廣州「首屆世界廣府人懇親大會」的古巨基說：「我獲十大傑出青年，女姐就獲頒十大傑出人物，我哋有一面之緣，當日喺後台休息室仲一齊影咗張合照。」他讚揚女姐是受人尊敬的前輩，也是他父母的偶像。而吳雨霏指女姐受人尊敬，作為粵劇界殿堂級人馬，是他們一班後輩嘅終身學習對象。

文：音樂組