女姐命中注定忌八餓火

粵劇名伶紅線女前晚因心臟病離世，令人惋惜，玄學家李居明昨日出席活動時回想起兩人相處的往事。

卒於八號八點八

他說：「女姐唔喜歡『八』呢個數字，但最終她在12月8日晚上八點八（8時40分）離世，享年八十八歲！去年我哋見面時，女姐同我講：『我仲有一年度（指壽命）。』我即時問佢出生時辰為佢算命，佢係餓火命，佢要火，忌金，『八』屬金，出年又係金，心臟代表火，所以佢心臟出問題。佢個藝名好旺火，佢遇到馬（名伶前夫馬師曾），又係火！出年又係馬年，所以出咗少少問題（指過身）。」他指女姐因身份問題，不便對術數表現出太有興趣，故雙方沒有再詳談。

欲在港舉行公祭

李居明在活動上展示女姐於去年所書的墨寶「新光」二字，下款寫道「紅線女2012」，他說出女姐的遺願之一：「去年佢話要喺新光戲院有墨水流傳落去，所以多次要求要寫，我會永遠擺喺新光貴賓室。」李居明有意在港為女姐公祭，但暫時未知對方家人是否同意：「係我主動提出，因為女姐喺香港成名，香港有好多佢嘅知音，我希望喺佢出殯當日舉行，依家未知邊日，到時會寫住七個大字『永遠懷念紅線女』，畀公眾人士鞠躬。」

（設計圖片）	去年女姐（左二）來港跟李居明（左）會面，雙方更談及命理之說。	李居明（右）展示去年女姐為新光戲院親題「新光」二字的墨寶，此墨寶將置於該院的貴賓室永懷女姐，旁為盛世天行政總裁元海。

過去李居明常獲女姐鼓勵，對他以觀音為題材的劇本分外緊張，更親自支持在廣州的演出：「女姐同我喺台下睇劇，佢好勤力做筆記，相信佢對舞台仲依依不捨，對新光仲好有感情。」他指原定明年3月安排女姐三齣電影《搜書院》、《關漢卿》及《打神》在新光重映，現在或會作出調動，並考慮將收入交予其家人。

文：影視組