吳雨霏晒黑bra搶票

歌手吳雨霏（Kary）、薛凱琪、張敬軒及羅力威等昨日出席樂壇頒獎禮拉票活動，身穿露腰裝束的Kary在台上拉票時，落多幾錢肉緊露黑bra「誘票」，成功搶盡風頭。

問到競逐「我最喜愛的女歌手」的Kary最睇好邊位對手？她相當識做地說：「其實我入到五強已經好開心，如果係楊千嬅嘅都應得，而容祖兒都好大機會，因為佢好努力，我都要向佢學習，我仲有排捱呀。」

羅力威被問到會否捧雨僑場，軒仔即講笑解圍。	薛凱琪入圍我最喜愛的女歌手五強，風騷現身。	許廷鏗獲粉絲送贈打氣禮物。

呻搵人仔風險高

Kary又表示雖然信心不大，不過都希望父母能到場分享喜悅，而且自己今年的確搏晒命造碟，又「打開心霏」話：「之前有兩個月收埋自己，其實係冇停過咁工作，希望大家見到我嘅努力！」

至於張敬軒就大騷麒麟臂示人，表示正為年底的廣州個唱操fit，不過他就大呻賺「人仔」高風險，他說：「基於安全問題，好多內地騷都cut咗，雖然訂金照袋，但買咗飛嘅朋友未必知道咩事，甚至會怪我哋，所以要喺微博say sorry。」

他又親述在內地工作時，試過主辦單位同聯絡人中間出現問題，間接使軒仔未能履行合約，他說：「做完活動離開時，有人開車截我，好在最後冇事。」

聞雨僑笑而不談

另問到羅力威可會欣賞「女友」雨僑即將上映的電影？他就笑而不答，在旁的軒仔就得戚拍羅力威大髀說：「得閒留多啲時間喺工作呀！」

文：音樂組