謝安琪處女下注多人跟

天王郭富城及Kay昨日到馬場出席「浪琴表香港國際賽事」活動，現場有許晉亨、「莎莎老闆」郭少明、張智霖（Chilam）等現身，人氣高企的Chilam更被人圍着合照。

穿上白色裙的Kay即席獻唱三首歌，她坦言自己從未賭過馬，並笑言：「今日好多人吼住我，啲人話第一次買馬多數都會贏，頭先司儀鄧梓峰都話要跟我買。（會唔會買？）我唔係好識，睇吓啦。」問到Kay自組公司的進展時，她表示 ：「一路傾緊，最快2014年開。（會簽歌手？）當然希望有咁嘅發展空間，其實公司唔係我自己嘅，我都會係公司其中一個歌手。」

郭富城（右）擔任頒獎嘉賓，心情大靚。	張智霖與許晉亨十分好傾。	放大圖片

拜師為騎得有型

至於品牌優雅形象大使的城城，分別主持開幕儀式及擔任頒獎嘉賓，恰巧其愛駒「愛將」出戰第10場賽事，他坦言希望「愛將」明年能參與國際短途錦標賽，但強調不會故意催谷，假如愛駒勝出賽事，會把獎金放入營運基金，計劃聯同「愛將」的馬主們於來年再多買一匹馬。

有傳城城將於年初三賀歲盃騎馬出場，他即否認其事：「係誤會，我係會喺新年活動騎馬，但唔係馬會活動，不過應該會向馬會借馬。」

他更自爆跟前騎師好友葉楚航太太廖偉顏學騎馬，他說：「佢係首席華人女教練。我都想出到嚟騎得型啲、靚啲，有板有眼。（騎「愛的呼喚」或「愛將」？）法例規定唔畀。」他表示曾有人建議他考業餘騎師牌，但他認為做騎師太危險：「唔好咁刺激啦，行船跑馬三分險。」最後，「愛將」跑獲第二名，坐在包廂看比賽的城城面露失望表情。

文：名人組