法拉揀視帝 睇好鎮宇Cool魔

陳法拉昨日以一身白色高貴打扮，到九龍灣出席「ALCATEL Onetouch Idol」手機發布會，吸引大批Fans及龍友撐場，她更由魔術師甄澤權（Louis）變出場，Louis再未卜先知估中法拉即場選的顏色及號碼，令全場拍爛手掌！大會又安排法籍飛機師到場，機師對法拉非常嗒糖，對住伊人扮鬼臉又笑到見眼唔見牙，至於法拉玩遊戲時勁投入表情多多，非常搞笑！

撐鍾嘉欣勤力

提到無綫台慶頒獎禮本月16日舉行，已跟無綫沒有合約的法拉表示未知能否出席，對視后之戰亦似乎打定輸數：「有收到提名通知，不過嗰排或者喺內地工作，要度期。（睇好自己？）隨緣，今年有好多好劇、好演員。（冇合約所以冇信心？）對自己演出有反省，有啲做得唔夠好，仲可以進步，睇好鍾嘉欣，佢努力咗好多年，今年成熟咗好多。」對於視帝心水，她認為不離「Sam哥」吳鎮宇及「Cool魔」張智霖之爭：「好難揀！我四十集（《衝上雲霄II》）都揀唔到，兩個都鍾意！」

法籍飛機師對法拉非常嗒糖，笑得相當開心。

甄澤權即場表演魔術。

恭喜諸葛生B

提到「前妯娌」諸葛紫岐日前誕下麟兒，法拉表示有留意新聞，問到會否恭喜對方？她說：「當然會！話晒都係喜事。（送禮物？）之前唔喺香港，未有時間買。」問到會否也想生BB？單身的她笑言未有人追，並搞笑講錯說「一字都未有一撇」：「感情唔到我自己講，唔係一個人嘅事，依家冇壓力，而且有好多工作。」她透露聖誕會跟父母度過，或會去旅行。

文：影視組