敏之扮天鵝 子珊見暈作嘔
徐子珊和陳敏之可算「不是冤家不聚頭」，昨日二人一起宣傳《My盛Lady》，台上全無交流，到敏之「扮天鵝」出場時，見後排的子珊毫無表情，她事後接受訪問時解釋，因到場前暈車浪，更言：「好彩冇嘔！」
藝人黃子華、徐子珊、江美儀、陳敏之等眾演員，昨在馬鞍山宣傳劇集《My盛Lady》，屢傳不和的子珊和敏之全程零交流，當敏之以劇中的醜女變天鵝look壓軸出場兼狂擺甫士時，被搶晒鏡的子珊木無表情。
到玩遊戲環節，敏之在朗讀和阮兆祥玩遊戲的規則，她讀到：「雙方各含住……」祥仔即大搞有味笑話：「對住咁多人含？我真係接受唔到。」原來二人要「含」住同一條蛋卷影相，他們差點接上嘴唇。受訪時，一臉倦容的子珊表示早上拍劇時要吊威吔，令她「暈威吔浪」，加上匆匆趕到現場又暈車浪，她謂：「好辛苦，好攰，好彩冇嘔！」
全民投票搵對手
至於子華相隔多年再拍劇即成為收視救星，引起煲劇潮，但他卻謙說：「多謝佢哋，非常感謝！咁我哋都花咗好多心血落去，冇偷懶。」問他想和哪位花旦合作？子華即發揮搞笑本色，他說：「整個全民投票，攞個畀我。我都好樂意同合作過嘅再合作。」更說若有花旦要求和他合作，他就絕不托手（月爭）。
黃子華嘲重口味
此外，江美儀和許紹雄玩遊戲時，旁邊的子華說：「佢哋呢pair好重口味！爆晒我極限，好踩界！」美儀聽罷即豪氣說：「上床囉！咩呀！」大爆劇情！
文：影視組