啟剛為3月大囝囝 搵定學校

已故霍英東長孫霍啟剛及「跳水公主」郭晶晶的寶貝仔8月27日在港出生，臨盆前及產後未有露面的晶晶，昨日為慈善與夫婿啟剛一同出席晚宴。晶晶以一身閃片露背旗袍晚裝示人，明顯收身成功，跟穿唐裝的啟剛一同受訪。問晶晶是否已全面收身？她以普通話說：「未有特別收身，（跟之前差不多？）仲爭少少（忽然說廣東話）。」談到BB名字，啟剛說：「英文名叫Lawrence，係因為晶晶英文名係J字頭，而我係K，所以小朋友就揀跟住嘅L；同埋Lawrence解作橄欖，晶晶04年喺雅典奧運攞獎時，戴嘅頭飾係橄欖，所以就改Lawrence啦！中文名就係爸爸改，（跟族譜？）問過老人家但冇特別跟，我哋嗰輩『啟』字都唔係跟族譜，其實最緊要係BB健康！」