麟李10年真情 唱到喊
「左麟右李」譚詠麟（阿倫）和李克勤成軍10年，前晚第四度在紅館開騷，克勤秘密寫了一首歌回憶兩人的相知相遇，阿倫先感動得眼濕濕，最後兩個大男人深情擁抱後終難忍男兒淚。
譚詠麟和李克勤前晚在紅館為一連13場的《歐洲坊鐘錶與溥儀眼鏡聯合呈獻—左麟右李十週年演唱會香港有聲音》掀開序幕，適逢克勤46歲生日，阿倫帶領全場合唱生日歌並送上蛋糕，令首次在紅館過生日的克勤大表難忘。之後克勤突然唱出自己作曲填詞的歌，回憶「左麟右李」成軍十年的點滴，並與阿倫齊齊感動流淚，阿倫握住克勤的手說：「喺娛樂圈可以同你做嘢係我嘅榮幸。」
率萬人跳鄭多燕
兩人不忘寸盡近期的話題人物，克勤先指阿倫毋須為囝囝譚曉風憂心，阿倫即說：「我有我擔心o架，驚佢識咗個摑18巴嘅點算（指14巴港女事件）！」克勤說：「聽講14巴咋喎！」阿倫笑言：「另外嗰4巴我摑佢嘅！」阿倫又笑窒克勤和陳百祥：「你係TVB契仔，流住TVB嘅血，不過我個朋友做埋TVB烈士，創作咗旅遊新景點『跪回家路線』！」兩人又跟逾萬名fans齊跳網上熱爆的「鄭多燕」健身舞，「年年25歲」的阿倫跳得有板有眼，更逼坐頭排的杜麗莎站起一齊跳，非常搞笑。
文：音樂組