湯盈盈遊世界造B
湯盈盈完成新劇後，隨即與老公錢嘉樂展開環遊世界之旅，被滕麗名取笑趕住「造人」。盈盈笑謂若果將來有BB可能不知「產地」，薛家燕則「貢獻」兩萬蚊鮑魚讓大家豪食消夜。
薛家燕、湯盈盈、滕麗名日前在小欖某豪宅為關永忠監製的新劇《新抱喜相逢》拍攝煞科戲，趕在農曆新年賀歲檔期播映。盈盈拍畢此劇，隨即與老公錢嘉樂起程環遊世界之旅，故煞科前眾人開通宵，趕及如期完成。阿滕笑指盈盈趕住環遊世界「造人」，盈盈透露會到泰國、非洲和西班牙等地旅行，笑言若果有喜，可能不清楚BB是在何地「製造」。
拍戲賀爾蒙失調
問盈盈今次環遊世界會否努力造人﹖她說：「唔係，暫時一個先。」並笑謂若果將來有BB可能不知「產地」，她又透露早前仍未適應拍劇，以致賀爾蒙失調皮膚變差，至拍攝後期才適應。問日後會否再拍劇？盈盈說：「要睇時間，遲啲個女讀書會更加需要媽咪。」
向來有遊戲運的家燕姐台慶夜要趕拍劇未能參與，但也帶旺同劇演員陳得生、吳香倫等贏得台慶大獎，家燕姐發起豪華消夜宴慶祝，她說：「淨係飽魚都兩萬幾蚊、仲燕窩、海參、花菇等等，要多謝贊助商。」家燕姐坦言最少要休息一年才會再拍劇。而阿滕稍後會到大陸拍攝微電影。
文：影視組