孫耀威建夜店王國 做飛仔
孫耀威除了是歌手、演員，近日更「升呢」做老闆，在台灣及上海開夜店，終極目標將夜店王國擴展到其他亞洲城市，成為「夜店之王」！女友陳美詩亦不甘只做背後的女人，化身商界軍師，為男友生意大計出謀獻策。
今年是歌手孫耀威豐收的一年，除了推出新碟外，他主演台劇又收視報捷，最近他踏足飲食界，分別在台灣及上海開夜店。雖然台北店早前發現僭建，被勒令停業，拆除僭建物才可復業，但無損他的雄心壯志，更有意將夜店王國擴張到全亞洲，做一個名副其實的「夜店之王」：「其實我最終目標係開酒店，夜店想喺全世界最中心嘅城市都有一間，出年應該先後喺東京同曼谷開，之後就到香港。」老孫坦言首次豪花巨額做生意，問到他投資了多少錢？老孫說：「都玩到幾大，冇計有幾多，淨係上海嗰間已經投資咗接近3000萬人民幣，仲未計買版權嘅錢。」
成功男人背後的女友
成功男人背後總有一個默默支持自己的女人，老孫透露女友陳美詩除了心靈上的支持外，更成為他生意上的軍師，為他出謀獻計：「我女朋友生意上幫我好多，佢大學讀工商管理，有幫我聯絡生意上嘅工廠，又幫我將訊息傳達畀員工，佢有呢方面嘅知識同興趣。」
除了女友的專業意見外，老孫寧做「飛仔」亦不甘猶如佛像般齋坐辦公室：「我希望可以親力親為，之前拍戲放假就由台灣飛去東莞，夜晚返香港睇吓盤數，再飛返台灣拍戲，啲朋友都唔信我一個月飛咗18次。」
除了做事親力親為，老孫亦立志做一個好老闆，行親民政策留住人才：「依家我對員工係最友善嗰個，我有接近200個員工，每個都會同佢握手講句辛苦晒，我最鍾意聽到啲員工話鍾意幫我做嘢。」雖然老孫為口奔馳居無定所，但他從未想過移民外地：「我個個禮拜返來，總公司都定喺香港，因為我個根喺呢度。」
場地：CA CLUB CAFE
文：音樂組