胡定欣目標做國際代言人
無綫藝人胡定欣剛成美容產品代言人，「肥」住過聖誕，她更表示希望藉此衝出香港，進軍國際！對於黃宗澤早前指她未有為自己介紹女仔，胡定欣笑言對方一向大受女仔歡迎，不用她介紹。
臨近聖誕，胡定欣已率先豬籠入水，剛成為日本美容產品ASTALIFT代言人，對於今次酬勞她大感滿意：「哈哈，開心價啦！最開心係可以任用產品，而且我係個品牌第一個香港區嘅代言人！」她表示今次是一個好機會，笑言雖然是香港區代言人，但希望將來可以成為日本區代言，進軍國際！她說：「最希望可以同個品牌一樣咁紅！」
至於聖誕這個黃金檔期，她坦言希望搵更多「外快」，被問到會否與男友慶祝時，她說：「我啲朋友都好多節目，其實聖誕節係我一個好鍾意嘅節日，我比較鍾意同所有朋友一齊聚會。」
拒為Bosco做媒
胡定欣在新劇與黃宗澤（Bosco）合演兩夫妻，她表示今次合作十分開心。對於Bosco早前指她未有介紹女仔給他認識，胡定欣即笑謂：「佢咁嘅條件，我唔需要介紹女仔畀佢啦，好多女仔排住隊想識佢！」
而對於無綫拒絕壹傳媒採訪，她說：「呢個係公司嘅決定，我當然會遵守公司嘅指示同安排，我會做番自己嘅分內事！」
文：專案組
攝：劉智源
服裝：Jill Stuart
場地：ASTALIFT