雅曼達優雅無規限
近兩年不少時裝設計師都大玩Asymmetric（不對稱） playful的設計，在今個秋冬季依然流行，任何左右、長短、前後不一的不規則設計都屬於不對稱造型。不對稱剪裁的服飾憑着獨有的設計感，能夠打破沉悶單調，令視覺效果更豐富，更能凸顯個人風格與個性。難怪中外一眾女星都紛紛響應這股風潮。名模陳嘉容就大讚荷里活女星雅曼達施菲（Amanda Seyfried）既優雅又青春，令人眼前一亮，劉嘉玲則清麗脫俗，高貴大方。」
雅曼達施菲
「好靚，優雅之餘不失青春少女氣息，好配合到佢嘅氣質，髮型都好襯，整體感覺好乾淨，令人眼前一亮。」
劉嘉玲
「條裙嘅設計好特別，翡翠畀人嘅感覺比較成熟，襯呢條cutting簡單嘅白裙，可以balance番個感覺，顯得清麗脫俗，配埋簡單嘅髮型化妝，total look好靚。」
關之琳
「簡簡單單已經散發出高貴氣質，如果成套衫都係黑色會好沉悶，白色係亮點所在，增添咗層次感，黑白色對比亦令整個造型更突出。」
文詠珊
「衣不稱身，條裙太長，好似小朋友着咗大人衫咁，佢個樣靚，條裙都靚，但兩樣擺埋一齊就唔match，唔襯佢嘅身形同氣質。」
Sistar成員多順
「穩陣嘅打扮，幾有飄逸少女味道，可惜佢嘅髮型將條裙露肩嘅設計遮住咗，如果梳起啲頭髮，騷番啲膊頭同頸會靚啲。」
Lady GaGa
「成個感覺好亂，個髮型加埋套衫顯得好累贅，着到佢好臃腫，冇晒身形線條，襯ankle boots令佢對腳顯得短咗，換對高踭鞋會好啲，同埋轉個all back髮型會冇咁亂。」
Profile
香港著名模特兒陳嘉容（Eunis），曾為各大國際品牌行時裝騷，在時裝界打滾多年，在時裝的理論還是實戰都難不倒她，近年更為電視時裝節目擔任主持，化身stylist教人配襯衣着打扮。