莊思敏 鍾舒漫尷尬抱抱

傅嘉莉谷胸現身，十分搶鏡。

昨晚歌手鍾舒漫（Sherman）、模特兒莊思敏及藝人傅嘉莉等一同出席「奧迪Home of quattro新車發布VIP派對」，其中近日宣布秘戀同公司的吳浩康（Deep）的Sherman，就與對方舊愛莊思敏（Jacquelin）同場。率先來的Jacquelin被問到會否介意跟Sherman同場？她說：「點解會介意？（新歡舊愛同場？）唔會囉，我識咗佢好耐，出嚟見面都會傾偈，我知道佢哋拍拖。」

Jacquelin又謂拍拖是開心事，所以會送上祝福，笑言二人結婚更好。至於跟Deep分手後仍是單身的她，坦言已習慣單身，問到聖誕節如何度過？她說：「好彩聖誕開工，（有冇男仔約？）暫時冇，（心儀對象？）都冇，唔拍拖都ok，但情人節就驚啲！」

莊思敏（左）與鍾舒漫毫無芥蒂，同場見面更互相擁抱表示友好。

莊思敏數年前為吳浩康慶祝生日，當時鍾舒漫也有到場。

多謝「姐姐」送鏈

而跟師弟洪杰一起前來的Sherman，甫到來便跟Jacquelin擁抱及合照。她表示自公開與Deep拍拖後，首度跟Jacquelin同場，坦言有少許尷尬，她說：「我識佢好耐，我係叫佢姐姐o架，不過好開心，（Deep知唔知你哋見面？）我諗佢知啩，（會唔會傾偈？）一定會傾偈，（頭先Jacquelin話祝福你？）非常多謝姐姐，喺我心目中佢係一個好女仔，有次佢喺街見到條鏈諗起我，佢都有買畀我。」此外，谷胸上陣的傅嘉莉就表示想買跑車，因為覺得女孩子駕跑車十分有型！

文：名人組