洪卓立認戀情 等娶湯怡
藝人洪卓立、許廷鏗和林欣彤等前晚為節目《勁歌金曲》錄影，洪卓立更首度承認與湯怡拍拖：「我哋確實拍咗拖若干年，其實之前有某啲對佢好唔公平嘅報道出街時我都想認，但又覺得唔係好啱時間，我哋都有共識好耐，依家我哋關係都好穩定，而且年紀又唔細，所以就由我公開。（有結婚打算？）又冇特別討論喎，咁我都視佢為結婚對象，只要時間適合就會結。」
開心公開關係
湯怡亦跟男友口風一致並視男友為結婚對象：「因之前有報道講到我發展好、有工作做就撇佢，但香港電視一開唔到台就黐番佢，我就覺得冇乜嘢，但佢覺得寫到我好勢利咁，作為男人要企出嚟講嘢，依家公開咗好開心。（幾時結婚？）話唔定結咗都唔知o架，總之結就話你哋知。」
另外，許廷鏗談到有份角逐電台「我最喜愛的男歌手」獎項，他坦言首次跟陳奕迅、張敬軒等並列齊名十分開心：「同佢哋個名放係一齊自己都覺得幾威水，希望有機會上台。」
文：影視組