撐阿仔床戰 林子祥：想睇佢Body
歌手林子祥（Lam）和兒子林德信（Alex）前晚以「父子檔」出席「保時捷911 50周年慶典」活動，對兒子Alex在電影中上演激烈床戰，一向風趣的阿Lam自爆兒子長大成人後，都未看過他Body。
阿Lam和Alex兩父子在台上「父子檔」為品牌獻唱，Lam更公開一張四十多年前與品牌跑車的合照。至於「父子檔」演出是否酬勞加倍？Lam笑言兒子有經理人幫手傾價，所以，他都不知兒子價錢多少。
不過，當提到Alex在電影《喜愛夜蒲3》有激烈床戰，問到身為父親的Lam可會捧場時，Lam竟尷尬得語塞，旁邊的Alex笑言：「我都未睇，只係配音嗰時睇咗少少！」阿Lam抵死笑說：「去睇都尷尬o架，我睇佢唔着衫已經係佢好細個沖涼嘅時候，我好耐冇睇過佢Body囉。」而Alex表示歡迎家人去捧場，但笑言：「睇吓無問題，但唔好一齊睇囉。」
升格林公公
另外，講到阿Lam愛女早前誕下BB女，令阿Lam首次榮升外公，他坦言心情很開心，他謂：「以前畀人叫鬍鬚仔，之後變鬍鬚佬，跟住又叫祥哥、林伯，依家變埋林公公添！」阿Lam稱已送了一張BB汽車座椅給BB女做禮物。
文：音樂組