JC瞞男友同趙勁皓煙韌
「警鐘胸」Jessica C.（JC）前晚與男模趙勁皓（King）為舞台劇《伊甸》綵排，首次演舞台劇的JC坦言心情緊張，問到與對手King有親密場面會否感尷尬？她表示：「冇，多眼神交流，做多幾次，所以好有默契。」她又謂男友知道故事內容，亦有看過劇照，但親密場面就沒有特別提，男友也不會到場看舞台劇。
而趙勁皓表示演出服裝較少布，問到會否怕走光？他直言：「演出會有細布遮掩重要部位，但係海報嗰條就會走光，依家改良緊！」問到會否怕JC男友呷醋？他表示二人是專業演出，不會尷尬。提到被影到與盧頌之（DaDa）十指緊扣行街，他直認戀情：「我們拍咗一段時間，只係冇公開。（佢有冇嚟睇綵排？）冇，但綵排完佢會接我。（女友會否呷醋？）佢咁多場都會嚟睇，監吓場！」