城城愛駒賺凸認有眼光

郭富城昨日傍晚現身跑馬地馬場，為香港賽馬會推出全新「Racing Touch」Apps擔任主禮嘉賓，他說：「要溫熟賽馬資料，中獎機會率高，不過唔好盲目投注，要鑽研。」問到過往兩匹愛駒「愛將」與「愛的呼喚」的戰績？他自信十足地笑說：「我唔叻，但自己同朋友嘅馬匹出賽都會支持，我只係選擇性投注。我隻『愛將』到現時為止共賺咗逾二百萬，已經蓋過買馬同養馬成本。」

當玩遊戲不要沉迷

至於今年會否再買多隻馬？他說：「今年冇諗住再抽，自己有兩隻馬已足夠，不過遇到朋友投緣同投契都可以合資買隻。始終養馬係開心事，贏梗係好，不過最開心係喺馬圈同好多朋友碰面，認識更多朋友，可以一齊談天說地。」他坦言養馬是投資與考眼光，自言好彩，而且養馬有助減壓，暫時放下工作，享受欣賞賽事一刻。不過他勸告馬迷買馬要理智，視一種遊戲看待，不要沉迷，要量力而為。

松岡林德信聖誕開P

同場有貝安琪及日模松岡李那，松岡表示曾投注一百元贏一千元，感到十分開心，卻自爆很怕輸錢：「我唔想上癮，但有時都想賭。」她笑稱最叻是猜枚及玩骰盅。問到聖誕節如何慶祝？她說：「會搞home party，我負責做搞手。（以女主人身份喺林德信屋企搞？）唔知呢？其實未定，可能喺佢屋企又或者其他朋友屋企，總之一大班人慶祝，我仲會親手整火雞同聖誕蛋糕。」至於會否買聖誕禮物送給林德信？她十分醒目地說：「會同所有人交換禮物！」

文：名人組