歌手杜德偉昨日錄影《勁歌金曲》，他透露今次是獲歌唱老師曾路得之邀請上節目，並指已13年沒有上TVB節目，今次是首次入將軍澳電視城。問到會否再與TVB合作？他說：「有傾！因為我基地係台灣，所以先冇咩機會上嚟。」
提到舊愛吳君如邀他在新片中扮演「爸爸生」，他承認有份客串，笑言「人生有幾多個30年」，問到會否騷腹肌？他說：「遲早要騷，但唔好益君如住，我會為新碟周圍宣傳，研究緊返香港開騷，到時再騷啦！（叫君如唱歌？）留靚位畀佢得喇！」
